Адначасова са жнівом сельгасвытворцы раёна пастаўляюць зерне ў адпаведнасці з дзяржаўным заказам на хлебапрыёмны пункт. Чацвёртая частка яго ўжо выканана. З запланаваных 12500 тон дастаўлена 3120 тон зерня.
Найболей — з ААТ «Райаграсервіс». Пры плане 1400 тон адсюль паступіла ўжо 802 тоны зерня, што складае 57,3 працэнта. Пераважна гэта пшаніца — 754 тоны.
На 50 працэнтаў выканаў дзяржзаказ ААТ «Ганута-Агра», на 44 працэнты — філіял «Велікаполле».
Гаспадаркі рэалізуюць зерне і на вытворчасць спірту. Пераважна — трыцікале і збожжа. Пры заданні 2500 тон пастаўлена 1454 тоны зерня гэтых культур, што складае 58 працэнтаў. Перавыканала заданне ААТ «Валевачы»: пры плане 250 тон рэалізавана 281 тона зерня, што складае 112 працэнтаў; 279 тон (93%) на рахунку ААТ «Лядзенскі».
Урадзіў сёлета ў раёне і азімы рапс. Сярэдняя ўраджайнасць яго 22,6 цэнтнера з гектара, а ў СПФ «Аграбуд» — 37, 1, у эксперыментальнай базе «Натальеўск» — 28,8 цэнтнера з гектара.
Па стану на 3 жніўня ўбралі рапс на 4844-х гектарах з 5494-х неабходных. Намалацілі 10942 тоны масланасення рапсу. Выканана заданне па рэалізацыі яго ў лік дзяржзаказу: з неабходных 2000 тон пастаўлена 2007 тон.
Выкарыстоўваючы спрыяльнае надвор’е, хлебаробы раёна стараюцца як хутчэй завяршыць жніво, рыхтуюць глебу пад сяўбу азімага рапсу ўраджаю наступнага года.
А.РУЖЫН