У панядзелак упраўленне унутраных спраў Мінаблвыканкама абвясціла вынікі конкурсу на званне «Лепшы ўчастковы інспектар міліцыі Мінскай вобласці-10». Пераможцы вызначаліся паказчыкамі ў прафесійнай дзейнасці і фізічнай падрыхтоўцы. Трэцяе месца ў гэтым конкурсе конкурсе прысуджана ўчастковаму інспектару Чэрвеньскага раённага аддзела ўнутраных спраў лейтэнанту Паўлу Шынкевічу.
Яму даручаны адзін з вялікіх па тэрыторыі і колькасці насельніцтва ўчастак — Раваніцкі сельскі Савет.
На ўрачыстым пасяджанні ва ўпраўленні ўнутраных спраў Мінскага аблвыканкама Паўлу Шынкевічу ўручылі крыштальны Кубак пераможцы і грашовую прэмію. Неўзабаве яму, як пераможцу, паабяцалі выдзеліць службовую машыну, што паспрыяе яшчэ лепшым стасункам участковага інспектара з мясцовым насельніцтвам.
Эма МІКУЛЬСКАЯ. Фота аўтара