Сучаснае жыццё немагчыма ўявіць без аўтамабільных дарог, ад якасці якіх залежыць камфорт і небяспека чалавека. І усе мы, удзельнікі дарожнага руху, аўтамабілісты, пасажыры, ацэньваем вынікі працы дарожнікаў. Гэта накладае асаблівую адказнасць на кожнага з іх: захоўваць і забяспечваць у належным стане сетку дарог. На абслугоўванні дарожнай галіны нашага раёна — ДРБУ-121 — 597 кіламетраў дарог мясцовага прызначэння, а з сакавіка мінулага года дабавілася яшчэ і 198 кіламетраў вуліц сельскіх населеных пунктаў. Задача калектыву — не толькі падтрымліваюць іх у належным стане, але своечасова і якасна праводзіць рамонт, грэйдзіраванне, падсыпку. І, нягледзячы на недахоп фінансавых сродкаў, транспартных адзінак, работнікі прадпрыемства з гэтымі задачамі паспяхова спраўляюцца. Асаблівай стараннасцю, прафесіяналізмам вызначаюцца дарожныя рабочыя Валерый Пачасуй (на здымку) і Віктар Палячкоў, вадзіцелі Сяргей Кацько і Васіль Давідовіч, экскаватаршчык Аляксандр Сабалеўскі, трактарыст Мікалай Дзержановіч (на здымку), машыніст асфальтаўкладчыка Сяргей Ткачэўскі, эканаміст Тамара Кочава, майстар Васіль Чысты, інжынер па нарміраванню працы Галіна Брыкач. Іх, а таксама ўвесь калектыў арганізацыі, ветэранаў, што яшчэ працуюць, і тых, хто знаходзіцца на заслужаным адпачынку, адміністрацыя і прафкам ДРБУ-121 віншуюць са святам, шчыра дзякуюць за працу, адказнасць і вернасць сваей прафесіі. Жадаюць здароўя, дабрабыту, поспехаў у нялегкай, але вельмі неабходнай для эканомікі і жыхароў раёна справе.
Л.Цітаўка