Больш за сто суб’ектаў гаспадарання нашай вобласці нядаўна змагаліся за званне «Лепшы прадпрымальнік 2010 года». Па выніках фінансава-гаспадарчай дзейнасці пераможцамі сталі 17 арганізацый у 16 намінацыях і 22 прадстаўнікі бізнесу — лаўрэатамі. Сярод іх — два прадпрыемствы нашага раёна. Званне лаўрэата ў намінацыі «Лепшы прадпрымальнік у сферы грамадскага харчавання» атрымала таварыства з дадатковай адказнасцю «Новая Славянка» (кіраўнік Міхаіл Палякоў). Таварыства з абмежаванай адказнасцю «КонтаМантаж» (кіраўнік Міхаіл Валько) прызнана ўдзельнікам у намінацыі «Лепшы прадпрымальнік у сферы будаўнічай дзейнасці». Абодва прадпрыемствы былі ўзнагароджаны дыпломамі пераможцаў.
Марыя Пігуль,
вядучы спецыяліст аддзела эканомікі райвыканкама
