У першым матчы 1/2 фіналу Кубка рэгіёнаў Беларусі “Колас” мінімальна прайграў у гасцях камандзе “Івацэвічы-ДЮСШ” – 0:1.
Нашы футбалісты ні ў чым не саступалі сапернікам. Наадварот, асабліва ў першым тайме, яны мелі некалькі стопрацэнтных шанцаў паразіць вароты гаспадароў поля, але не выкарысталі іх.
Бліжэй да сярэдзіны другога тайма “Колас” збавіў актыўнасць: на гульні каманды адбілася кароткая лава запасных. Адзіны гол “Івацэвічы-СДЮШАР” забілі на 83-й хвіліне.
Гасцявое паражэнне не перакрэсліла перспектывы “Коласа” на выхад у фінал. У паўторнай сустрэчы нашай камандзе трэба перамагаць з розніцай не менш чым у два мячы. Пры нічыйным выніку па суме дзвюх гульняў давядзецца вызначаць мацнейшага ў серыі пасляматчавых пенальці.
Матч “Колас” – “Івацэвічы-ДЮСШ” адбудзецца ў Чэрвені ў суботу, 22 кастрычніка. Пачатак – у 15 гадзін.
