Сёння футбалісты чэрвеньскага “Коласа” правялі ў горадзе Шамахы другі матч Кубка рэгіёнаў УЕФА у групе 2 з азербайджанскім “Джабраілам”. Гульня скончылася перамогай нашай каманды з лікам 6:2.
Галы ў “Коласа” забілі Мікалай Гурыновіч (6 хвіліна), Сяргей Лізуноў (31, 61 і 77 хвіліна — з пенальці), Дзяніс Сіманчык (72 хвіліна) і Міхаіл Караткевіч (86 хвіліна).
У першым матчы “Колас” таксама адолеў “Джабраіл” – 2:1 і, такім чынам, перамог азербайджанцаў па суме двух матчаў – 8:3.
29 чэрвеня нашы футбалісты згуляюць у Шамахы з мацнейшай камандай групы 1. Гэта будзе альбо казахстанскі “Каскелен”, або грузінскі “Басіяні”.
Выхад у фінал аўтаматычна забяспечыў “Коласу” ўдзел у наступным, прамежкавым раўндзе Кубка рэгіёнаў УЕФА.
Пераможца матча 29 чэрвеня трапіць у групу 3 да каманд Турцыі (гаспадары турніру), Партугаліі і Фінляндыі, а прайграўшы – у групу 1 да каманд Босніі і Герцагавіны (гаспадары турніру), Ізраіля і Шатландыі.
Матчы прамежкавага раўнду спаборніцтваў запланаваныя на сёлетнюю восень.
Ігар АДАМОВІЧ. Шамахы (Азербайджан)