Як распавёў “Раённаму весніку” намеснік начальніка РАУС – начальнік крымінальнай міліцыі Дзмітрый Сухавараў, у сакавіку мужчына знайшоў у сеціве і ўстанавіў на свой тэлефон мабільны дадатак “Інтэрнэт-банкінг БелВЭБ”. Увёўшы даныя асабістага кабінета, ён не змог туды патрапіць. Як высветлілася, устаноўлены дадатак аказаўся падробленым, бо ўжо бліжэйшай ноччу з банкаўскіх плацежных картак чэрвеньца зніклі ўсе грошы.
– Каб не стаць ахвярай кібермахляроў трэба ўстанаўліваць дадаткі толькі з афіцыйных крыніц – Google Play Store, App Store, – адзначыў Дзмітрый Сухавараў. – Пры скачванні любых дадаткаў з інтэрнэту варта быць уважлівымі і найперш звяртаць увагу на іх адрас, які павінен мець канчатак “.by”. Калі вас штосьці насцярожвае, без ваганняў адмаўляйцеся ад карыстання такім дадаткам.
Ігнат ЛІПЕНЬ
