Зламыснікі праніклі ў будынак ноччу, разбіўшы шкло ўваходных дзвярэй. З гандлёвай залы яны вынеслі алкаголь, тытунёвыя вырабы і прадукты харчавання агульным коштам больш за дзве тысячы рублёў.
Як паведамілі праваахоўнікі, злачынства стала магчымым таму, што ў магазіне не было сігналізацыі. А вось відэакамеры былі. Менавіта з іх дапамогай устанавілі прыкметы злодзеяў.
Па падазрэнню ў здзяйсненні крадзяжу затрымалі 33-гадовага і 46-гадовага раней судзімых жыхароў Чэрвеня. У заплечніку аднаго з мужчын знайшлі частку ўкрадзенага. Распачата крымінальная справа.
