Пара, у якой мы зараз жывем, называецца часам перамен. Некаторыя грамадскія ідэалы разбураны, маральныя нормы змяніліся. Добрыя і значныя словы — Радзіма, гонар, абавязак, сумленне, патрыятызм, бескарыслівасць — калі не забытыя, дык неяк страцілі свой першапачатковы маральны сэнс. Сучасныя вучні выдатныя, таленавітыя, але і іншыя: прагрэс іх захлынуў – яны адчуваюць сябе абарыгенамі ў інтэрнэце, анлайн зносінах, мяняюць стыль адносінаў у грамадстве, забываючы, што жыць у ім і быць свабодным ад яго нельга.
Гаворачы аб патрыатычным выхаванні моладзі, нельга не ўспомніць словы Жан Жака Русо: «Жыць — вось рамяство, якому я хачу вучыць выхаванца. Выходзячы з маіх рук, ён будзе не суддзёй, не салдатам, не святаром: ён будзе, перш за ўсё, чалавекам: усім, чым павінен быць чалавек. Ён здолее быць пры неабходнасці, такім жа добрым, як і кожны іншы, і як бы лёс не кідаў яго з месца на месца, ён заўсёды будзе на сваім месцы». Таму пытанні грамадзянска-патрыятычнага выхавання набываюць сёння істотнае месца ў дзяржаўнай маладзёжнай палітыцы, бо, як будуць выхаваны маладыя людзі ў статусе грамадзян, стаўленні да Радзімы, гэтым будзе вызначацца будучыня Айчыны – яе адзінства, бяспека, незалежнасць.
Вядома, што грамадзянска-патрыятычныя пачуцці не выхоўваюцца толькі праз сістэму школьных мерапрыемстваў – гэта працяглая і настойлівая праца ўсіх тых, хто мае непасрэднае дачыненне да лёсу і будучыні маладых людзей. Выхавальники Хутарскай сярэдняй школы вядуць работу над тым, каб юнакі і дзяўчаты працавалі на лёс Радзімы, яе будучыню разам, плённа і стваральна.
Выхаванне павагі і любові да Радзімы — вось авноуны змест класных і інфармацыйных гадзін, праекта “ШАГ” , урокаў Мужнасці, удзелу у добраўпарадкаванні вайсковых захаванняў, экалагічных дэсантаў, а так сама шостага школьнага дню, дзе фраміраванне грамадзянскіх і патрыятычных пачуццяў працягваецца праз разнастайныя формы: спартландыі, флэшмобы, кірмашы, прагляд відэафільмаў, спартыўна-патрыятычныя гульні, прававыя віктарыны. У плане шостага школьнага дня такія цікава праведзеныя мерапрыемствы, як гульня-падарожжа “Шукальнікі прыгод”, спартыўная віктарына “Усё пра Алімпійскія гульні”, конкурс ваенна-патрыятычнай песні і строю да Дня Абаронцаў Айчыны, удзел у ваенна-спартыўнай гульні “Зарніца”. Значнае месца ў патрыятычным выхаванні належыць сімволіцы. Навучэнцы знаёмяцца з гісторыяй дзяржаўнай сімволікі — сцягам, гербам, нацыянальным гімнам – значэннем іх колеравай гамы, аўтарамі тэксту і музыкі. “Сімвалы маёй краіны”, “Гісторыя стварэння Дзяржаўнага Гімна Рэспублікі Беларусь” – гэта толькі некаторыя назвы, якія напаўняюць змест планавання на суботу. Вучні Хутарскай школы актыўна ўдзельнічаюць у праглядзе і абмеркаваннях дакументальных фільмаў: “Пра Афганскую вайну за 10 хвілін”, “Узброеныя сілы Рэспублікі Беларусь” і інш., якія дапамагаюць далучыць маладых людзей да гісторыі краіны, выхаваць пачуццё гонару за яе.
Валерый Захараў, намеснік дырэктара па выхаваучай рабоце
Фота Валерыя Захарава