Пасля доўгай халоднай зімы ўсе з нецярпеннем чакаюць прыгажуню-вясну з яе ласкавым цёплым сонейкам і птушынымі спевамі. А каб яна хутчэй да нас завітала, выхаванцы яслей-саду №2 г.п. Смілавічы паклікалі яе на свяце “Гуканне вясны”.
Разам з дзецьмі набліжалі вясну лялькі тэатра Батлейкі: Ясь і Яніна. Яны загадвалі выхаванцам загадкі пра птушак, якія жывуць на Беларусі, пра з’явы прыроды, поры года. Па гукавой фанаграме дзеці адгадвалі, якая птушка спявае.
Ясь і Яніна прапанавалі дзецям пагуляць у гульню-карагод “Бусел”. Выхаванцы праспявалі песні-вяснянкі “Жавароначкі, прыляціце!”, “Прыляцелі птушкі”, “Сонейка-сонца”.
Вяселымі заклічкамі “Гуууу, вясна-Лёля, прыйдзі” дзеці паклікалі дя сябе прыгажуню-Вясну, праспявалі ёй песню “Як вясна прыйшла”, сыгралі на музычных інструментах кампазіцыю па матывах беларускіх народных песень і надзелі ёй вясновы вянок.
Вясна-красна пакружылася з дзецьмі ў карагодзе, пагуляла ў вясёлыя гульні і напрыканцы пачаставала дзяцей смачным печывам у выглядзе птушак-шчабятушак. Дзеці падзякавалі Вясну за добрыя прывітанні і запрасілі застацца.
Людміла Корзун выхавацель
яслей-саду №2 г.п. Смілавічы