Як паведамляе інтэрнэт-сайт Мінскага абласнога ўпраўлення Дэпартамента аховы, вечары 25 студзеня ў дзяжурную частку Чэрвеньскага РАУС звярнулася жыхарка райцэнтра з заявай аб крадзяжы грошай са згубленага ёю кашалька.
Пайшоўшы ў краму, жанчына выпусціла кашалёк і калі выявіла, што ён прапаў, вярнулася назад. Страту ўдалося знайсці, аднак грошай у кашальку не было.
Супрацоўнікі раённага аддзела аховы першымі прыехалі на месца здарэння і падчас прагляду запісаў камер відэаназірання ўстанавілі прыкметы магчымага выкрадальніка. Неўзабаве мужчыну ўдалося затрымаць. Ім аказаўся непрацуючы 53-гадовы мясцовы жыхар.
Як выявілася, зламыснік знайшоў кашалёк на ганку крамы, дастаў з яго грошы і аднёс да камер захоўвання гандлёвага аб’екта. Пры гэтым ён сцёр са знаходкі свае адбіткі пальцаў. У дачыненні да мужчыны распачалі крымінальную справу за крадзеж.
