У Чэрвені пачынаецца будаўніцтва двух шматкватэрных жылых дамоў з дзяржаўнай падтрымкай для шматдзетных сем’яў і тых, хто стаіць на ўліку, як асобы, што маюць патрэбу ў паляпшэнні жыллёвых умоў. Абодва яны размесцяцца ў межах мікрараёна вуліцы Барыкіна.
Як распавёў “Радыёвесніку” дырэктар Чэрвеньскай ПМК-237 Аляксандр Раманчык, зараз вядзецца падрыхтоўка будаўнічай пляцоўкі для закладкі пяціпавярховага 60-кватэрнага дома непадалёк ад СШ №4 (афіцыйным яго адрасам будзе вуліца Перамогі). Генеральны падрадчык новабудоўлі УП “Мінскаблсельбуд”, субпадрадчык – ПМК-237. Увод аб’екта ў эксплуатацыю запланаваны на кастрычнік наступнага года.
Другі дом, пяціпавярховы 40-кватэрны, неўзабаве пачнуць будаваць на вуліцы Барыкіна, у двары побач з домам №69. Генеральны падрадчык аб’екта – ПМК-237, здаць яго ў эксплуатацыю мяркуецца ў верасні 2021 года.
