7 лістапада каля 5 гадзін 11 хвілін раніцы ратавальнікі атрымалі паведамленне аб загаранні сцірты саломы на адным з палеткаў адкрытага акцыянернага таварыства “Чэрвеньскі райаграсервіс” ля вёскі Астравы.
Як паведаміла “Радыёвесніку” інспектар сектара прапаганды і ўзаемадзеяння з грамадскасцю раённага аддзела па надзвычайных сітуацыях Алена Немагай, полымя знішчыла каля 60 тон саломы, яшчэ 20 тон удалося выратаваць. Меркаваная прычына ўзгарання – падпал. Вінаватыя асобы ўстанаўліваюцца.
Дарэчы, гэта ўжо трэці выпадак узгарання саломы ў названай гаспадарцы. У верасні і кастрычніку тут згарэлі дзве сцірты, вагою каля 60 і 40 тон, адпаведна.
Фота раённага аддзела па надзвычайных сітуацыях