Як паведамляе інтэрнэт-сайт Беларускай федэрацыі футбола, трэнер нацыянальнай зборнай Беларусі Міхаіл Мархель вызначыўся з канчатковым спісам ігракоў, выкліканых на матч плэй-оф чэмпіянату Еўропы УЕФА супраць Грузіі, а таксама матчы Лігі нацый УЕФА сезону 2020/2021 супраць Літвы і Казахстана.
У канчатковы састаў увайшлі 28 футбалістаў, у тым ліку – выхаванец чэрвеньскага футбола, паўабаронца ФК БАТЭ (Барысаў) Яўген Яблонскі. Наш зямляк упершыню апрануў форму галоўнай каманды краіны ў 2019 годзе і выходзіў на поле ў васьмі матчах.
Сустрэча з нацыянальнай зборнай Грузіі адбудзецца 8 кастрычніка ў Тбілісі. Затым беларусы згуляюць два матчы Лігі нацый УЕФА: 11 кастрычніка ў гасцях з камандай Літвы і 14 кастрычніка на сваім полі з камандай Казахстана.
Фота АБФФ
