Днём 26 верасня тут на адным з прыватных падворкаў загарэліся хлеў і прыбудаваны да яго гараж.
Гэтыя пабудовы выратаваць не ўдалося, аднак пажарныя не далі распаўсюдзіцца полымю на лазню. Таксама пажар знішчыў аўтамашыну ВАЗ-2105 і дзве свінні.
Як распавяла “Раённаму весніку” інспектар сектара прапаганды і ўзаемадзеяння з грамадскасцю Чэрвеньскага РАНС Алена Немагай, папярэдне ўстаноўлена, што крыніцай узгарання сталі іскры з коміна лазні, якая знаходзіцца ў дзесяці метрах ад знішчаных полымем пабудоў. Каля месяца таму з даху хлява парывам ветру сарвала канёк. Мяркуецца, што менавіта праз дзірку, якая ўтварылася, іскры патрапілі на салому ўнутры пабудовы.
Фота прадастаўлена Чэрвеньскім РАНС