Сёння каля 17 гадзін 10 хвілін на шашы “Мінск – Магілёў” ля павароту на вёску Залессе адбылася аўтааварыя.
Як паведаміў “Раённаму весніку” намеснік начальніка Чэрвеньскага РАУС Сяргей Качановіч, 23-гадовы жыхар Магілёўскай вобласці не справіўся з кіраваннем аўтамашыны “Форд Фокус”, выехаў на паласу сустрэчнага руху, дзе сутыкнуўся з вялікагрузным аўтафургонам.
У выніку аварыі грузавік загарэўся і быў патушаны ратавальнікамі пажарнай аварыйна-ратавальнай часці г.п.Смілавічы і пажарнага аварыйна-ратавальнага паста “Пятровічы” Смалявіцкага раёна.
Вадзіцель аўтафургона самастойна выбраўся з кабіны, вадзіцель “Форд Фокус” загінуў.
Ігар АДАМОВІЧ. Фота чэрвеньскіх РАУС і РАНС