Здарэнне адбылося раніцай у суботу. Ратавальнікі, якія прыехалі на месца выкліку, выявілі задымленне ў жылым доме на дзве кватэры.
Як паведамляе інтэрнэт-сайт Мінскага абласнога ўпраўлення МНС, да іх прыбыцця сусед вынес на свежае паветра пацярпелага, які знаходзіўся на кухні ў непрытомным стане. З папярэднім дыягназам “атручэнне прадуктамі гарэння” яго шпіталізавалі.
У кухні кватэры пашкоджаны падлога, сцены і столь. Адна з верагодных прычын пажару – неасцярожнае абыходжанне з агнём пры курэнні.
Ігар АДАМОВІЧ. Фота Мінскага абласнога ўпраўлення МНС
