Як паведамляе інтэрнэт-сайт Чэрвеньскага лясгаса, з сённяшняга дня ў сувязі з сухім надвор’ем на тэрыторыі раёна ўстаноўлены IV клас пажарнай небяспекі. Грамадзянам забаронена знаходзіцца ў лясных масівах і на тарфяніках.
Такая мера прадугледжана рашэннем Чэрвеньскага раённага выканаўчага камітэта ад 24 красавіка 2019 года, якім на тэрыторыі раёна ўведзены асаблівы супрацьпажарны рэжым.
У адпаведнасці з дзеючым заканадаўствам, парушэнне правілаў пажарнай бяспекі ў лясах або забароны на іх наведванне караецца штрафам у памеры да 25 базавых велічынь – калі не прычынена ўрону, і ад 25 да 50 базавых велічынь – калі пашкоджаны або знішчаны лес.
Калі вы сталі сведкам ляснога пажару, неадкладна тэлефануеце 101 або 112.
Ігар АДАМОВІЧ
