Выклік пра ўзгаранне ў нежылым доме на вуліцы Савецкай паступіў ратавальнікам ўчора а палове чацвёртай гадзіны дня.
Як распавяла “Раённаму весніку” інспектар групы прапаганды і навучання Чэрвенскага РАНС Юлія Максіменя, з будынка выратавалі 28-гадовага мужчыну, які не з’яўляецца гаспадаром дома. Ён атрымаў апёкі і ў цяжкім стане быў шпіталізаваны.
У выніку ўзгарання пашкоджаны столь і сцяна, а таксама канапа. Верагодная прычына здарэння – неасцярожнае абыходжанне з агнём.
Ігар АДАМОВІЧ. Фота раённага аддзела па надзвычайных сітуацыях