Чэрвеньская раённая інспекцыя Дзяржэнергагазанагляду правяла ў сераду рабочую нараду са спецыялістамі інжынерна-энергетычных службаў прадпрыемстваў, гаспадарак, устаноў і арганізацый раёна па пытаннях электрабяспекі.
Начальнік інспекцыі Аляксей Шымановіч, у прыватнасці, распавёў прысутным пра мэты, функцыі і задачы новай установы “Дзяржаўны энергетычны і газавы нагляд”. Спецыялісты інспекцыі давялі інфармацыю аб падрыхтоўцы цеплавой і электрагаспадаркі суб’ектаў гаспадарання раёна да працы ў асенне-зімовы перыяд 2019-2020 гадоў.
Таксама на нарадзе ішла гаворка пра неабходнасць строгага выканання правілаў бяспекі пры працы на электраўстаноўках, пры работах у ахоўных зонах падземных кабельных ліній і паветраных ліній электраперадач.
Ігар АДАМОВІЧ. Фота аўтара
