Мінскае дзяржаўнае вытворчае лесагаспадарчае аб’яднанне падвяло вынікі конкурсу сярод устаноў агульнай сярэдняй адукацыі, які праводзіўся ў рамках рэспубліканскай акцыі “Тыдзень лесу-2019”. У намінацыі “Самая актыўная школа” пераможцай прызнана Лядзенская школа нашага раёна. Яна ўзнагароджана Дыпломам і грашовым прызам для ўмацавання матэрыяльна-тэхнічнай базы.
Гэтай вясною Лядзенскія школьнікі пасадзілі на тэрыторыі Горкаўскага лясніцтва 42 гектары хвойных парод дрэў.
Экалагічнае выхаванне – адзін з важных накірункаў выхаваўчай працы ў гэтай навучальнай установе. Рэалізоўваецца ён у тым ліку і праз дзейнасць “Школьнага лясніцтва”, экскурсіі па адмыслова створанай экалагічнай сцежцы.
Ігар АДАМОВІЧ. Фота аўтара