Яго адкрыла выкладчык Людміла Дарагуж. Яна распавяла пра жыццёвы і творчы шлях беларускага і польскага кампазітара, стваральніка польскай і беларускай нацыянальнай оперы, класіка вакальнай лірыкі.
На канцэрт прыйшлі вучні гарадскіх школ раёна, навучэнцы школы мастацтваў, жыхары Чэрвеня. Яны з цікавасцю слухалі расповед пра дзяцінства, юнацкія гады і гады вучобы кампазітара, яго асабістае жыццё.
Цікава было пачуць, што першую сваю оперу “Канторскія служачыя” Станіслаў Манюшка напісаў ва ўзросце 15 гадоў, якую паставілі ў Мінску.
Расповед Людмілы Уладзіміраўны суправаджаўся выкананнем вучнямі і педагогамі школы мастацтваў твораў кампазітара. Прысутныя адчулі іх яскравую меладычнасць і лірызм, якія па-майстэрску перадалі выканаўцы.
Таццяна МАРЦЬЯНАВА.
Фота аўтара
