Пастановай прэзідыума Мінскага абкама прафсаюза работнікаў аграпрамысловага комплексу па выніках працы за мінулы год на “Дошку гонару” гэтай абласной галіновай арганізацыі занесена дванаццаць чалавек. Сярод іх – старшыня прафкама ААТ “Раванічы” Тамара Цітавец. Ёй уручылі адпаведнае пасведчанне і грашовую прэмію.
Як распавяла “Раённаму весніку” старшыня Чэрвенскага райкама прафсаюза АПК Ларыса Ефіменка, прафсаюзнага лідара з Раванічаў адзначылі за юрыдычную абарону правоў і інтарэсаў работнікаў гаспадаркі, садзейнічанне ў стварэнні здаровых і бяспечных умоў працы для іх.
Ігар АДАМОВІЧ