Спаборніцтвы на Кубак і першынство Мінскай вобласці па лёгкаатлетычнаму кросу прайшлі сёння ў чэрвенскім лесапарку “Загор’е”. Ужо на першай дыстанцыі, сярод дзяўчынак 2004-2005 гадоў нараджэння, поспех спадарожнічаў навучэнцы Чэрвенскай СДЮШАР Маргарыце Лазовік. Яна пераадолела 1 кіламетр з трэцім вынікам.
Медалі таксама былі разыграны ва ўзроставых катэгорыях 2002-2003, 2000-2001, 1999 год нараджэння і старэйшыя. Юнакі і юніёркі прабеглі 2 кіламетры, жанчыны і юніёры – 3, мужчыны — 5 кіламетраў.
У агульнакамандным заліку перамаглі лёгкаатлеты Крупскага раёна. На другім месцы – Маладзечанскі, на трэцім – Стаўбцоўскі раён. Прадстаўнікі Чэрвеншчыны сталі шостымі. Таксама неблагі вынік, калі ўлічыць, што ў спаборніцтвах бралі ўдзел 20 каманд.
Ігар АДАМОВІЧ. Фота аўтара