470 індывідуальных аптэчак для насельніцтва 1991 года выпуску, якія прызначаліся для аказання дапамогі пры раненні або на выпадак прымянення зброі масавага паражэння, знайшлі на складзе запчастак адной з гаспадарак раёна супрацоўнікі наркакантролю падчас правядзення комплексу мерапрыемстваў “Допінг”. У іх выяўлена каля 2800 таблетак тарэну, што адносіцца да псіхатропных рэчываў.
У сувязі з тым, што пры ўжыванні гэтых таблетак звыш рэкамендаванай дозы назіраўся выразны галюцынагенны эфект, яшчэ некалькі гадоў таму было прынята рашэнне аб зняцці гэтых аптэчак са звароту.
Як паведамляе інтэрнэт-сайт УУС Мінаблвыканкама, паводле слоў кладаўшчыцы, на пачатку 2000-х гадоў прымаючы склад з запчасткамі, яна прыняла і гэтыя аптэчкі, якія захоўваліся там без дакументаў. Жанчына палічыла, што калі аптэчкі захоўваюцца столькі часу, значыць гэта каму-небудзь трэба. Тры скрыні былі пастаўлены ў дальні кут, і прастаялі некранутымі да цяперашняга часу.
Цяпер усё аптэчкі канфіскаваныя, таблеткі накіраваныя на экспертызу. Кладаўшчыца не будзе прыцягнута да адказнасці, бо ў яе дзеяннях няма прыкмет правапарушэння.
І.УЛАДЗІМІРАЎ. Фота УУС Мінаблвыканкама
