Цэнтр нацыянальных культур “Этна-скрыжаванне” плануюць стварыць у Смілавічах

Актуальное Культура

Канцэпцыю адпаведнага гуманітарнага праекту прадставіў наш раён на абласным семінары ў Сеніцы. Яго распрацоўшчыкі – дырэктар Чэрвенскага раённага Цэнтра культуры і адпачынку Алена Гоман і загадчык Смілавіцкага гарпасялковага Дома культуры Марына Кацінёва.

Праект мае на мэце захаванне і развіццё культурных традыцый і спадчыны прадстаўнікоў розных нацыянальных дыяспар, якія жывуць у Смілавічах і іншых населеных пунктах раёна. Размясціць Цэнтр мяркуецца ў будынку былога гапрасялковага Дома культуры. Ён уключыць у сябе аформленыя ў нацыянальных стылях творчыя пляцоўкі з агульнай выставачнай залай і адкрытую пляцоўку на тэрыторыі ўстановы для правядзенне фестываляў, выстаў, святаў, канцэртаў, майстар-класаў, іншых культурных мерапрыемстваў.

Як распавяла “Раённаму весніку” Алена Гоман, зараз ідзе пошук партнёраў для рэалізацыі праекту. Неахбходны аб’ём яго фінансавання складае 300 тысяч долараў ЗША.

Ігар АДАМОВІЧ



Добавить комментарий

Ваш e-mail не будет опубликован. Обязательные поля помечены *