Узгаранне на адным з падворкаў у гэтай вёсцы адбылося ў суботу, каля дзесяці гадзін вечара.
Пажар быў хутка ліквідаваны. Полымя знішчыла дах пабудовы, пашкодзіла сцены і маёмасць лазні. На шчасце, ніхто не пацярпеў.
Як паведаміла “Раённаму весніку” інспектар групы прапаганды і навучання Чэрвенскага РАНС Юлія Максіменя, адна з верагодных прычын пажару – перапальванне печы.
МНС нагадвае пра важнасць выканання правілаў пажарнай бяспекі:
— каб не дапусціць пажар, асцярожна абыходзьцеся з адкрытым агнём: старанна тушыце запалкі, цыгарэты і свечкі;
— забараняецца перагружаць электрычныя сеткі, эксплуатаваць праводку і кабелі з пашкоджанай ізаляцыяй, ужываць у апаратах абароны жучкі, карыстацца самаробнымі электрапрыборамі і пакідаць іх без нагляду;
— пры выяўленні загарання не панікуйце, не рызыкуйце жыццём, ратуючы маёмасць, выклічце ратавальнікаў па тэлефоне 101 або 112 і пакіньце памяшканне, якое гарыць.
Фота раённага аддзела па надзвычайных сітуацыях.