Гэтыя спаборніцтвы, як звычайна, праходзілі ў два этапы. Учора ў Чэрвенскім будаўнічым ліцэі былі згуляны матчы групавога турніру. У іх прынялі ўдзел 9 каманд у двух групах. Чатыры мацнейшыя — РАУС, Чэрвенскі ліцэй, Вуліца Барыкіна і КАФ «Смілавічы» сёння працягнулі барацьбу за пераходны кубак.
У першым паўфінале барыкінцы перамаглі футбалістаў ліцэя — 3:1, у другім — каманда РАУС была мацнешай за смілаўчан — 2:1.
Бронза турніру дасталася камандзе ліцэя, якая ў матчы за трэцяе месца ўзяла верх над КАФ «Смілавічы» — 3:2.
У фінальнай сустрэчы РАУС — Вуліца Барыкіна лёс залатых медалёў быў вырашаны за 10 секунд да заканчэння асноўнага часу матча. Адзіны ў гэтай гульні мяч — на рахунку іграка каманды РАУС Аляксея Ганчарыка.
Ігар АДАМОВІЧ. Фота аўтара
