Сёння ў Мар’інай Горцы пачаўся двухдзённы адкрыты футбольны турнір сярод дзяўчынак на прызы Ганаровага грамадзяніна Пухавіцкага раёна Сяргея Семянякі.
У першым матчы нашы дзяўчынкі ўпэўнена перайгралі каманду з Крупак – 3:0 (дубль на рахунку Аліны Ласоўскай, яшчэ адзін мяч забіла Вікторыя Ермаковіч). Другая сустрэча, з футбалісткамі Жодзіна, таксама завяршылася перамогай навучэнак Чэрвенскай СДЮШАР – 1:0. Мяч пасля навесу ў штрафную пляцоўку з вуглавога забіла Дар’я Ермаковіч.
Заўтра саперніцамі нашай каманды будуць дзяўчынкі з Мар’інай Горкі і Дзяржынска.
Ігар АДАМОВІЧ. Фота аўтара