У рамках адзінага Дня інфармавання насельніцтва адбылася сустрэча прадстаўнікоў працоўных калектываў чэрвенскіх друкарні, рэдакцыі газеты «Раённы веснік», цэнтральнай раённай бібліятэкі і дзіцячай школы мастацтваў з галоўным спецыялістам аддзела эканомікі райвыканкама Любоўю Булойчык і намеснікам начальніка раённага аддзела па надзвычайных сітуацыях Аляксеем Батурам.
Любоў Булойчык распавяла пра магчымасці дадатковай занятасці без рэгістрацыі ў якасці суб’екта прадпрымальніцтва. Аляксей Батура засяродзіўся на аналізе сітуацыі з пажарамі ў раёне і мерах супрацьпажарнай бяспекі, якія неабходна выконваць.
У сустрэчы таксама ўзяла ўдзел і выступіла намеснік начальніка галоўнага ўпраўлення ідэлагічнай работы, культуры і па справах моладзі Мінаблвыканкама Вольга Топдземір (на здымку).
Ігар Адамовіч. Фота аўтара
