Пачаліся яны з наведвання магіл нашых землякоў, якія загінулі ў Афганістане, і іх сем’яў. Затым адбылося ўскладанне кветак да памятнага знака ў гонар воінаў-інтэрнацыяналістаў, што ўстаноўлены ў Чэрвені.
Апоўдні на ўрачыстасць, якая адбылася ў актавай зале Чэрвеньскай дзіцячай школы мастацтваў, разам з воінамі-інтэрнацыяналістамі сабраліся ветэраны працы, група кандыдатаў у дэпутаты Чэрвеньскага раённага Савета дэпутатаў дваццаць восьмага склікання. Перад прысутнымі выступілі старшыня раённай арганізацыі Беларускага Саюза ветэранаў вайны ў Афганістане Віктар Казачонак, начальнік аддзела ідэалагічнай работы, культуры і па справах моладзі райвыканкама Лідзія Шчацінка, ветэран працы, дзеючы дэпутат раённага Савета дэпутатаў і кандыдат у дэпутаты гэтага выбарнага органа на чарговы тэрмін Анатоль Кулік. Канцэртныя нумары ўдзельнікам урачыстасці падаравалі самадзейныя артысты ўстаноў культуры раёна, а таксама аўтар і выканаўца песень Андрэй Брусіненка.
У другой палове дня воіны-інтэрнацыяналісты правялі Урокі мужнасці ў навучальных установах раёна.
Ігар АДАМОВІЧ. Фота аўтара
