За студзень — ліпень сёлета ў бюджэт раёна паступіла плацяжоў на сто шэсць мільярдаў дзевяцьсот дваццаць дзевяць мільёнаў рублёў пры плане на год сто дзевяноста восем міліярдаў шэсцьсот пяцьдзесят восем мільёнаў рублёў.
Асноўнымі крыніцамі з»яўляюцца:
— падаходны падатак — 46 %;
— падатак на дабаўлены кошт -13,3 %;
— падатак на прыбытак – 10,8 %;
— падатак на нерухомасць — 2,8 %;
— іншыя падаткі – 27,1 %.
Даходную частку кансалідаванага бюджэта складаюць паступленні з прадпрыемстваў і арганізацый розных форм уласнасці, ад індывідуальных прадпрымальнікаў і іншых фізічных асоб. Найбольшую ўдзельную вагу ў агульнай суме паступленняў займаюць плацяжы арганізацый дзяржаўнай і недзяржаўнай форм ўласнасці — 88,8%. Ад індывідуальных прадпрымальнікаў — 2,6 %. Паступленні ад іншагародніх арганізацый у выглядзе падаткаў па аб’ектах , якія знаходзяцца ў раёне, склалі 3,4 %; ад фізічных асоб, якія плоцяць зямельны падатак і падатак на нерухомасць -4,2%
Плацельшчыкі дзяржаўнага сектара эканомікі забяспечылі 33,1 %. Доля плацяжоў недзяржаўнага сектара — 66,9 %. Сярод прадпрыемстваў недзяржаўнай формы ўласнасці найбольшы працэнт паступленняў: УП «Нафтабітумны завод», УП «Вытворча — харчовы завод», УП «ПК-СТФ», ААТ «СТФ — Мантаж», ААТ «Легір Плюс».
З мэтай папаўнення даходнай часткі бюджэта раёна і памяншэння залежнасці ад асноўных бюджэтафарміруючых арганізацый у раёне задзейнічаны многія рычагі па прыцягненню дадатковых даходаў у бюджэт. У выніку павелічэння падатковых ставак, правядзення аукцыёнаў па продажы зямельных участкаў і праў на іх арэнду, далучэння да гаспадарчага абароту маёмасці, якая не выкарыстоўвалася, дадаткова ў бюджэт раёна ўнесена пяць мільярдаў трыста семдзесят два мільёны рублёў.
Паліна Польская
