«Будаўнік» — у групе лідараў

Новости

Будауник у лидарахПасля нечаканага паражэння ў 10 туры чэмпіянату Мінска на футзале ад сталічнай «Кроны» — 4:5, чэрвеньскі «Будаўнік» прадоўжыў паспяховае выступленне ў гэтых спаборніцтвах. У мінулую нядзелю ён перамог мінскі «Юлціс» — 5:1.

Першы тайм, дзякуючы дублю Ігара Шчэрбіча і надзейнай гульні варатара Аляксандра Курыловіча, чэрвеньцы выйгралі з лікам 2:0. Неўзабаве пасля перапынку галявую перавагу «Будаўніка» патроіў Яўген Цэдрык.

Багатымі на забітыя мячы выдаліся апошнія тры хвіліны сустрэчы. Спачатку мінчане «размачылі» нашага галкіпера, рэалізаваўшы прызначаны ў вароты чэрвеньцаў пенальці за перабор фалоў. Затым яны ж забілі аўтагол — 4:1, а на апошніх секундах матча канчатковы лік на табло ўсталяваў дэбютант «Будаўніка» Міхаіл Сіўчык.

Наступную гульню чэрвеньцы, якая працягваюць заставацца ў групе лідараў чэмпіянату, правядуць гэтымі выхаднымі з докшыцкім «Дынасам».

На здымку: «Будаўнік» атакуе вароты «Юлціса»

Верхняя частка турнірнай табліцы пасля 11тураў выглядае наступным чынам:

Каманда                                                        Г              В             Н             П               М             А

«Белхлад» (Узда)                                         11             10            1              0              89:23         31

«Будаўнік» (Чэрвень)                                  11             9              0              2              59:29         27

«Крона» (Мінск)                                           11             8              2              1              62:37         26

«Мачулішчы» (Мінск)                                  11             8              1              2              63:28         25

«Тарпеда-КС» (Мінск)                                 10             8              1              1              64:32         25

«ЛМЛ-ультра» (Мінск)                                 11             8              0              3              59:39         24

«Беларуснафта-

МОНП» (Мінск)                                           11             7              1              3              59:38         22

«Дынас» (Докшыцы)                                    11             6              0              5              71:42         18

«Мінск-Гэлаксі» (Мінск)                              11             6              0              5              45:49         18

«Сансевілья» (Мінск)                                  10             5              1              4              57:45         16

Усяго ў спаборніцтвах удзельнічае 20 каманд

Ігар АДАМОВІЧ.

Фота аўтара



Добавить комментарий

Ваш e-mail не будет опубликован. Обязательные поля помечены *