Сумесным рашэннем упраўлення сельскай гаспадаркі і харчавання райвыканкама, раённай арганізацыі прафсаюза работнікаў аграпрамысловага комплексу пераможцамі спаборніцтва на ўборцы зерневых у перыяд з 28 ліпеня да 3 жніўня
ПРЫЗНАНЫ:
Сярод гаспадарак раёна —
калектыў эксперыментальнай базы «Натальеўск», (дырэктар — Махнач А.Э.). У гаспадарцы ўбралі 1330 гектараў зерневых. Намалочана 6773 тоны збожжа пры ўраджайнасці 50,9 цэнтнера з гектара.
У індывідуальным спаборніцтве:
Сярод першай групы камбайнаў — экіпаж збожжаўборачнага камбайна «КЗС-1218» эксперыментальнай базы «Натальеўск» у складзе старшага камбайнера САВІЧА Андрыяна Леанідавіча і камбайнера ЖАЎНЯКА Валерыя Міхайлавіча, якія ўбралі 350 гектараў зерневых і намалацілі 1470,1 тоны збожжа.
Сярод другой групы камбайнаў — экіпаж збожжаўборачнага камбайна «КЗС-10» сельгасфіліяла «Аграбуд» адкрытага акцыянернага таварыства «Мінскжалезабетон» у складзе старшага камбайнера ЖАРАБЦОВА Юрыя Юр’евіча і камбайнера ЖАРАБЦОВА Андрэя Юр’евіча, якія ўбралі 242 гектары зерневых і намалацілі 1100 тон збожжа.
Сярод трэцяй групы камбайнаў — экіпаж збожжаўборачнага камбайна «МЕДЫЁН-310» адкрытага акцыянернага таварыства «Запольскае» ў складзе старшага камбайнера ШЧАТКО Дзмітрыя Якаўлевіча і камбайнера ШЧАТКО Сяргея Якаўлевіча, якія ўбралі 357,9 гектара зерневых і намалацілі 1026 тон збожжа.
Сярод вадзіцеляў на адвозцы збожжа: па першай групе — вадзіцель сельгасфіліяла «Аграбуд» адкрытага акцыянернага таварыства «Мінскжалезабетон» САСУНКЕВІЧ Яўген Уладзіміравіч, які на аўтамашыне «МАЗ 555142» перавёз 2076,9 тоны збожжа.
Па другой групе — вадзіцель філіяла «Агра-Бокс» СП «Унібокс» ВЕРНІКОЎСКІ Мікалай Людвігавіч, які на аўтамашыне «ГАЗ-53» перавёз 650,5 тоны збожжа.
Сярод машыністаў на сушцы і дапрацоўцы збожжа — звяно зернесушыльнага комплексу «ЗСК -30» адкрытага акцыянернага таварыства «Валевачы» ў складзе МЕЛЬНІКА Канстанціна Мікалаевіча і КАЗЛОЎСКАГА Эдуарда Анатольевіча (на здымку), якія дапрацавалі 2251 тону збожжа.
Пераможцам спаборніцтва ўручаны Удзячныя лісты райсельгасхарчу, райкама прафсаюза работнікаў АПК, каштоўныя падарункі за кошт сродкаў райкама прафсаюза і чырвоныя сцяжкі.
Фота Ігара АДАМОВІЧА