Сумесным рашэннем упраўлення сельскай гаспадаркі і харчавання, раённай арганізацыі прафсаюза работнікаў аграпрамысловага комплексу пераможцамі спаборніцтва на ўборцы зерневых у перыяд з 21 да 27 ліпеня
ПРЫЗНАНЫ:
Сярод гаспадарак раёна — калектыў эксперыментальнай базы «Натальеўск», (дырэктар — Махнач А.Э.). У гаспадарцы ўбралі 746 гектараў зерневых. Намалочана 3431 тона збожжа пры ўраджайнасці 46 цэнтнераў з гектара.
У індывідуальным спаборніцтве:
Сярод першай групы камбайнаў — экіпаж збожжаўборачнага камбайна «КЗС-1218» адкрытага акцыянернага таварыства «10 з’езд Саветаў» у складзе старшага камбайнера ЧЫЧЫКАЙЛЫ Аляксандра Міхайлавіча і камбайнера ЛЕПЕША Паўла Паўлавіча, якія ўбралі 383 гектары зерневых і намалацілі 925,6 тоны збожжа.
Сярод другой групы камбайнаў — экіпаж збожжаўборачнага камбайна «КЗС-10» сельгасфіліяла «Аграбуд» адкрытага акцыянернага таварыства «Мінскжалезабетон » у складзе старшага камбайнера БАНДУРЫНА Пятра Мікалаевіча і камбайнера БУСЯНКОВА Міхаіла Уладзіміравіча, якія ўбралі 140 гектараў зерневых і намалацілі 510 тон збожжа.
Сярод трэцяй групы камбайнаў — экіпаж збожжаўборачнага камбайна «МЕДЫЁН-310» адкрытага акцыянернага таварыства «Запольскае» ў складзе старшага камбайнера ШЧАТКО Дзмітрыя Якаўлевіча і камбайнера ШЧАТКО Сяргея Якаўлевіча, якія ўбралі 220 гектараў зерневых і намалацілі 570 тон збожжа.
Сярод вадзіцеляў на адвозцы збожжа па першай групе — вадзіцель адкрытага акцыянернага таварыства «10 з’езд Саветаў» ПАТАПІШЫН Алег Іванавіч, які на аўтамашыне «МАЗ 5551» перавёз 1258 тон збожжа.
Сярод вадзіцеляў на адвозцы збожжа па другой групе — вадзіцель ПСГ «Дамавіцкі» ААТ «Мінскі падшыпнікавы завод» КАЦЬКО Уладзімір Пятровіч, які на аўтамашыне «ГАЗ-53» перавёз 489 тон збожжа.
Сярод машыністаў на сушцы і дапрацоўцы збожжа — звяно зернесушыльнага комплексу «ЗСК -40» адкрытага акцыянернага таварыства «10 з’езд Саветаў» у складзе ТОЗІКА Уладзіміра Аляксеевіча і БЕЛЯЗЯКА Антона Мікалаевіча, якія дапрацавалі 1981 тону збожжа.
Пераможцам спаборніцтва ўручаны Удзячныя лісты райсельгасхарчу, райкама прафсаюза работнікаў АПК, грашовыя прэміі (каштоўныя падарункі) за кошт сродкаў райкама прафсаюза і чырвоныя сцяжкі.