Справаздачу праўлення райпо па выкананню праграмы сацыяльна-эканамічнага развіцця сістэмы і задачах па далейшаму развіццю і ўдасканальванню дзейнасці на наступны год упаўнаважаныя Чэрвеньскага райспажыўтаварыства заслухалі і абмеркавалі на справаздачна-выбарчым сходзе.
З дакладам выступіў старшыня райспажыўтаварыства Сяргей Веракса, які падрабязна спыніўся на рабоце кожнага структурнага падраздзялення. Работа Чэрвеньскага райпо прызнана здавальняючай. Такую ж ацэнку атрымала рэвізійная камісія. У прынятай пастанове вызначаны галоўныя задачы праўлення на наступны год, зацверджаны баланс, пералік будынкаў, выстаўляемых на продаж, а таксама наказы пайшчыкаў. Старшынёй Чэрвеньскага райспажыўтаварыства аднагалосна зноў абраны Сяргей Веракса, які падзякваў усім за аказаны яму давер.
Л.Цітаўка