Калі сям’ю ўпрыгожвае каханне
…То яна шчаслівая. І гэта з радасцю пацвярджаюць Антон Зелянкевіч і яго жонка Аня — жыхары Чэрвеня. У іх шчырай любві расце вясёлая і гарэзлівая дачушка Вікторыя. У доме маладых — утульна, прыгожа, шмат пакаёвых кветак. І гэта заслуга не толькі гасціннай, жыццярадаснай гаспадыні, але і майстра на ўсе рукі Антона. Узаемаразуменне, клопат і павага ўмацоўваюць іх сям’ю. Антон любіць радаваць жоначку кветкамі, а дачушку — цацкамі. Напярэдадні свята 8 Сакавіка сардэчна жадае ім, а таксама ўсім жанчынам, моцнага здароўя і добрага настрою.
Эма МІКУЛЬСКАЯ. Фота аўтара