У мінулыя выхадныя згуляны матчы 15 тура чэмпіянату Мінска па футзале. Чэрвеньскі «Будаўнік» сустракаўся са сталічнай камандай «Наві» і перамог.
Нашы футбалісты са стартавым свістком актыўна пайшлі ў атаку і за 18 хвілін матча вызначыліся пяць разоў, захаваўшы свае вароты ў недатыкальнасці. Два галы на рахунку Дзмітрый Чыстага, па аднаму забілі Уладзімір Тарасік, Аляксей Сасункевіч і Вячаслаў Целяціцкі. Мінчане ўдала правялі апошнія пяць хвілін тайма, і на перапынак каманды пайшлі пры ліку 5:2.
У другім тайме чэрвеньцы працягвалі атакаваць, а футбалісты «Наві» паспяхова дзейнічалі ў контратаках. Канчатковы вынік матча — 11:6 на карысць нашай каманды (два галы забіў Яўген Шчарбакоў, па аднаму — Мікалай Свірыдовіч, Сяргей Качановіч, Вячаслаў Целяліцікі і Ігар Адамовіч).
Пасля пятнаццаці гульняў у «Будаўніка» — 43 ачкі. Ён па-ранейшаму аднаасобна ўзначальвае турнірную табліцу чэмпіянату. У бліжэйшых пераследнікаў — на тры ачкі менш.
І.УЛАДЗІМІРАЎ