Напярэдадні Дня абаронцаў Айчыны ў г.п.Смілавічы прайшло мерапрыемства «Сустрэча пакаленняў». Удзел у ім прынялі ветэраны Вялікай Айчыннай вайны, намеснік начальніка аддзела ідэалагічнай работы, культуры і па справах моладзі райвыканкама Аксана КАЧАНОВІЧ, начальнік аддзела па кінавідэаабслугоўванню насельніцтва КУП «Мінаблкінавідэапракат» Галіна Гамеза і смілавіцкая моладзь — навучэнцы старэйшых класаў школ і Смілавіцкага прафесіянальна-тэхнічнага ліцэя. У кінатэатры «Мара» з відэапрэзентацыяй выступіла старшы навуковы супрацоўнік раённага краязнаўчага музея Ірына ВАБІШЧЭВІЧ. Яна расказала пра халакост, пра Чэрвеньскае гета, аб жахах, якія адбываліся у канцлагерах.
Прысутныя паглядзелі дакументальны фільм рэжысёра Муміна Шакірава «Халакост — клей для обоев?». Фотаздымкі зняволеных яўрэяў, малых дзяцей, на якіх праводзілі эксперыменты… Рэакцыя гераінь фільма, якія да пэўнага часу лічылі халакост клеем для шпалераў…
Да гэтых кадраў з крывавымі старонкамі гісторыі чалавецтва нельга было застацца абыякавым.
Пасля фільма ветэраны заклікалі моладзь не забываць пра гэтыя жудасныя падзеі, цікавіцца сваімі вытокамі, гісторыяй, не страчваць сувязь паміж пакаленнямі.
Кацярына ШУМКО