Выхаванец чэрвеньскага футбола, паўабаронца дубліруючага саставу барысаўскага БАТЭ Яўген Яблонскі вечарам у сераду разам з асноўным саставам каманды накіраваўся на перадсезонны збор у турэцкі горад Белек.
«Аснова» БАТЭ праводзіць сёлета у Турцыі ўжо другі збор. У першым наш зямляк не ўдзельнічаў, паколькі ў гэты час у складзе маладзёжнай зборнай Беларусі выступаў на ХХІІ Міжнародным турніры «Кубак Садружнасці» ў расійскім Санкт-Пецярбурзе. Беларуская «маладзёжка» заняла ў гэтых спаборніцтвах трэцяе месца. Яўген Яблонскі адзначыўся голам у вароты каманды гаспадароў турніру.
Ігар АДАМОВІЧ
