У спартыўнай зале Чэрвеньскага будаўнічага ліцэя прайшло адкрытае першынство горада па міні-футболу, якое ладзіў аддзел адукацыі, спорту і турызму райвыканкама. Удзел у спаборніцтвах бралі чэрвеньскія каманды «Ветэран», «Вуліца Барыкіна», «ПМК-237», «Будаўнічы ліцэй», «Энергетык», а таксама — КАФ «Смілавічы».
Атрымаўшы чатыры перамогі ў пяці матчах і набраўшы 12 ачкоў, турнір выйгралі ветэраны чэрвеньскага футбола. За каманду гулялі Юрый і Валерый Пятроўскія, Андрэй Борбут, Міхаіл Тарасік, Уладзімір Тарасік, Ігар Бурмістронак і Уладзімір Мажароўскі.
Дзесяць ачкоў набралі футбалісты са Смілавічаў. У іх — другое месца. Па дзевяць ачкоў запісалі ў свой актыў каманды «ПМК-237» і «Вуліца Барыкіна». За кошт перамогі ў асабістай сустрэчы трэцяе месца занялі будаўнікі.
Прыз лепшага бамбардзіра першынства ўручаны іграку КАФ «Смілавічы» Аляксандру Хасяневічу. На яго рахунку — 14 забітых мячоў.
Вынікі матчаў: «Вуліца Барыкіна» — «ПМК-237» — 2:5, «Энергетык» — «Вуліца Барыкіна» — 2:11, «ПМК-237» — «Энергетык» — 11:9, «Энергетык» — «Будаўнічы ліцэй» — 4:6, «Вуліца Барыкіна» — КАФ «Смілавічы» — 8:4, «Будаўнічы ліцэй» — «Вуліца Барыкіна» — 3:12, КАФ «Смілавічы» — «Энергетык» — 12:8, «ПМК-237» — КАФ «Смілавічы» — 3:10, «Будаўнічы ліцэй» — «ПМК-237» — 5:8, КАФ «Смілавічы» — «Будаўнічы ліцэй» — 7:7, «Ветэран» — «ПМК-237» — 7:4, «Энергетык» — «Ветэран» — 6:8, «Ветэран» — КАФ «Смілавічы» — 5:10, «Вуліца Барыкіна» — «Ветэран» — 1:2, «Ветэран» — «Будаўнічы ліцэй» — 5:3.
Турнірная табліца першынства
Каманда В Н П М А
«Ветэран» 4 0 1 27:24 12
«Смілавічы» 3 1 1 43:31 10
«ПМК-237» 3 0 2 31:33 9
«Вул. Барыкіна» 3 0 2 34:16 9
«Буд. Ліцэй» 1 1 2 24:36 4
«Энергетык» 0 0 5 29:48 0
Ігар АДАМОВІЧ. Фота аўтара