У Мінску ў абласной бібліятэцы імя Пушкіна працягваецца выстава пачынаючай мастачкі, нашай зямлячкі з Чэрвеня Алёны МАРЦЬЯНАВАЙ.
Прадстаўлена 21 палатно, выкананае ў рознай тэхніцы і рознымі матэрыяламі. Тэматыка — шматлікія гарады свету, якія давялося наведаць Алёне.
Выставу адкрыў вядомы музычны журналіст, аўтар і вядучы тэлепраграм Дзмітрый ПАДБЯРЭЗСКІ. Гарманічна ўпісаўся ў мерапрыемства музыкант джаз-бэнда В:N:, гітарыст Алесь ЛЮТЫЧ.
У выставе Алёны хапае прыемнай экстравагантнасці. Так, у палотнаў няма назваў. Гэта дае гледачам магчымасць самім праявіць творчасць і прыдумаць карцінам назву на свой густ. Выстава планавалася да восьмага снежня, але яе прадоўжылі яшчэ на тыдзень.
Наталля КАРАЛЬКЕВІЧ.
Фота са старонкі Алёны МАРЦЬЯНАВАЙ у сацыяльным сеціве
