У суботу ў раённым Цэнтры культуры і адпачынку адбылася ўрачыстасць з нагоды Дня работнікаў сельскай гаспадаркі і перапрацоўчай прамысловасці АПК.
Віншуючы яе ўдзельнікаў з прафесійным святам, першы намеснік старшыні райвыканкама, начальнік райсельгасхарчу Іван Малахаў, у прыватнасці, зазначыў, што сучасныя падыходы да развіцця важнейшых галін народнай гаспадаркі патрабуюць забеспячэння ўстойлівых працэсаў інавацыйнага развіцця сельскагаспадарчай галіны, павышэння эфектыўнасці і рэнтабельнасці вытворчасці, прыросту валавой прадукцыі, забеспячэння яе канкурэнтаздольнасці.
— Граматная арганізацыя працы і быту людзей, укараненне перадавых тэхналогій, адказнае стаўленне кожнага работніка да даручанай справы — падмурак паспяховай працы, — зазначыў ён.
Падчас урачыстасці Ганаровыя граматы і грашовыя прэміі атрымалі сёлетнія пераможцы раённага спаборніцтва на веснавых палявых работах, нарыхтоўцы кармоў, уборцы зерневых і зернебабовых культур, сяўбе азімых і ворыве зябліва.
Першы намеснік начальніка галоўнага ўпраўлення юстыцыі Мінскага абласнога выканаўчага камітэта Сяргей Баразна ўручыў Падзяку Міністра сельскай гаспадаркі і харчавання Рэспублікі Беларусь за шматгадовую добрасумленную працу ў сістэме аграпрамысловай вытворчасці, узорнае выкананне працоўных абавязкаў і высокія паказчыкі ў працы трактарысту-машыністу ААТ «Валевачы» Уладзіміру Пачасую (на здымку), Ганаровыя граматы камітэта па сельскай гаспадарцы і харчаванню аблвыканкама — жывёлаводу эксперыментальнай базы «Натальеўск» Людміле Радыёнавай і трактарысту-машыністу сельгаспрадпрыемства «Ганута-Агра» Генадзю Пятровічу.
Ганаровай граматай рэспубліканскага камітэта прафсаюза работнікаў АПК на свяце ўзнагароджана намеснік дырэктара па аграхімабслугоўванню Чэрвеньскага райаграсервіса, cтаршыня пярвічнай прафсаюзнай арганізацыі гаспадаркі Нэлі Альшэўская, Падзякай абкама прафсаюза работнікаў АПК — дырэктар філіяла «АграБокс-Заатэх» Аляксандр Рубан, аператар па вырошчванню цялят ААТ «Запольскае» Ала Шумігай, трактарысты-машыністы Юрый Сасункевіч з ААТ «Раванічы», Андрэй Тарасік з эксперыментальнай базы «Натальеўск» і Міхаіл Ладуцька з Чэрвеньскага райаграсервіса, Падзякай райкама прафсаюза работнікаў АПК — аператары па вырошчванню маладняку Раіса Багамаз з ААТ «Лядзенскі» і Алеся Белякова з ААТ «Крыніца Ігуменшчыны», начальнік цэху адкорму ЗАТ «Турэц» Уладзімір Церахаў, трактарыст-машыніст Мінскай абласной сельскагаспадарчай доследнай станцыі Мікалай Кучынскі і намеснік дырэктара Смілавіцкага аграрнага каледжа па вытворчаму навучанню Раіса Ісаевіч.
Цудоўным музычным падарункам усім удзельнікам урачыстасці стаў канцэрт самадзейных артыстаў раёна.
Ігар АДАМОВІЧ.
Фота аўтара