Футбол. Чэмпіянат Мінскай вобласці.
1 ліга. 24 тур.
«Колас» (Чэрвень) — «Клецк» — 4:2.
19 кастрычніка. Чэрвень. Гарадскі стадыён. Пераменная воблачнасць. 10 градусаў. 50 гледачоў.
«Колас»: Курыловіч, Мельцар, Качановіч, Шмідаў, Суша, Кулеш, Лаўрык (Канашэвіч, 86), Слыхоўскі, Шалабнёў, Красоўскі (Бурмістронак, 49), Мрынскі.
Госці адкрылі лік ужо на 7-й хвіліне гульні. Аднак чэрвеньцы праявілі характар і яшчэ да перапынку не толькі адыграліся, але і выйшлі наперад: на 26-й і 43-й хвілінах, адпаведна, вызначыліся Максім Шалабнёў і Павел Лаўрык.
Праз пяць хвілін пасля пачатку другога тайма «Клецк» правёў выніковую атаку, і лік стаў роўным — 2:2. Затое нашы футбалісты вельмі ўдала згулялі на фінішным адрэзку сустрэчы. За восем хвілін да завяршэння яе асноўнага часу Алег Бурмістронак выдатным пасам вывеў на аператыўную прастору Аляксандра Мрынскага, які вынікова завяршыў паход да варот «Клецка». А на другой дададзенай хвіліне Арцём Кулеш паставіў пераможную для «Коласа» кропку ў гульні — 4:2.
Поспех чэрвеньцаў у гэтым матчы дазволіў ім з 16 ачкамі ўзняцца з дванаццатага на дзясятае месца ў турнірнай табліцы чэмпіянату. Па столькі ж ачкоў — у мар’інагорскай «Зоркі-РФОЦ-Вікторыі» і «Забудовы-2007» з пасёлка Чысць Маладзечанскага раёна. Менавіта з гэтымі камандамі «Коласу» давядзецца згуляць у апошніх двух турах спаборніцтваў. Сёння нашы едуць у Мар’іну Горку, а ў наступную суботу завершаць чэмпіянат на сваім полі матчам з «Забудовай-2007».
Становішча каманд пасля 24 тура:
Г В Н П М А
«Жодзіна-2007» 22 17 4 1 54-17 55
«Узда» 22 16 5 1 61-24 53
«Нёман-Агра»
(Стоўбцы) 22 15 1 6 70-40 46
«Маладзечна-
ДЮСШ-4» 22 15 1 6 55-31 46
«Аграсервіс» (Слуцк) 22 12 3 7 56-36 39
«Клецк» 23 11 1 11 57-55 34
«Старыя Дарогі» 22 11 1 10 38-48 34
«Лівадыя-Юні»
(Дзяржынск) 21 10 0 11 62-33 30
«Беразіно» 22 6 2 14 26-61 20
«Колас» (Чэрвень) 22 5 1 16 31-75 16
«Зорка-РФОЦ-
Вікторыя» (М. Горка) 22 4 4 14 27-48 16
«Забудова-2007»
(Маладзечанскі раён) 22 5 1 16 41-70 16
«Вілія» (Вілейка) 22 2 4 16 28-68 10
Ігар АДАМОВІЧ
