Выхаванец чэрвеньскага футбола, паўабаронца дубліруючага саставу барысаўскага БАТЭ Яўген Яблонскі (на здымку — у цэнтры) на гэтым тыдні папоўніў свой бамбардзірскі рахунак голам у вароты жодзінскага «Тарпеда—БелАЗ». Ён адкрыў лік у хатнім матчы з жодзінцамі незадоўга да заканчэння першага тайма. БАТЭ выйграў сустрэчу з лікам 4:0.
Гол, забіты ў гэтай гульні, стаў для Яўгена Яблонскага дзявятым у сёлетнім турніры дублёраў каманд-удзельніц чэмпіянату Беларусі ў вышэйшай лізе. Ён лідзіруе па гэтаму паказчыку ў дублі БАТЭ і ўваходзіць у пяцёрку лепшых бамбардзіраў спаборніцтваў.
Ігар АДАМОВІЧ.
Фота з інтэрнэт—сайта fcbate.by