Паводле звестак райсельгасхарчу на раніцу ўчарашняга дня, гаспадаркі Чэрвеньшчыны пасеялі азімыя зерневыя культуры на 8005 гектарах, што складае 58 працэнтаў ад неабходнага.
На апошніх гектарах выконваюць гэты від работ у сельгасфіліяле «Аграбокс» СП «Унібокс» і эксперыментальнай базе «Натальеўск». Тут азімымі зерневымі засеялі ўжо 97 і 94 працэнты палеткаў, адпаведна.
Кукуруза на сілас і зялёны корм убрана ў раёне з 5158 гектараў. Гэта 73 працэнты ад неабходнага. Блізкія да выканання плану ў эксперыментальнай базе «Натальеўск», райаграсервісе, ААТ «Лядзенскі» і СГК «Велікаполле» УП «Мінсктранс».
Бульба выкапана ў гаспадарках на 404 гектарах, што адпавядае 41 працэнту ад неабходнага. Сярэднераённая ўраджайнасць клубняў складае 192 цэнтнеры з гектара. Найлепшы паказчык тут мае СВФ «Аграбуд» ААТ «Мінскжалезабетон» — 317 цэнтнераў на круг.
У ААТ «Крыніца Ігуменшчыны» і «Запольскае» ўбіраюць сталовыя буракі, у ААТ «Валевачы» — цыбулю.
І.УЛАДЗІМІРАЎ
