Па традыцыі штогод калектывы мастацкай самадзейнасці сельскіх Дамоў культуры выязджаюць на палявыя станы, зернятокі гаспадарак Чэрвеньшчыны, каб песнямі, гумарам, добрым словам падтрымаць усіх удзельнікаў жніва. Не стаў выключэннем і гэты год.
Фактычна з самага пачатку жніва ладзяць канцэрты для хлебаробаў удзельнікі мастацкай самадзейнасці з Дамавіцкага, Грабёнскага, Лядзенскага, Раваніцкага дамоў культуры. Плануюць далучыцца да гэтай добрай справы Запольскі і Турэцкі СДК.
Часта з самадзейнымі артыстамі выязджаюць і намеснікі дырэктараў па ідэалагічнай рабоце гаспадарак, каб заахвоціць пераможцаў працоўнага спаборніцтва. Разам яны ладзяць міні-святы для тых, хто шчыруе на палетках.
Аксана КАЧАНОВІЧ,
намеснік начальніка аддзела ідэалагічнай работы, культуры і
па справах моладзі райвыканкама
