Будаўніцтва фермы ў Новых Зелянках, распачатае ў сакавіку гэтага года, можа завяршыцца на паўгода раней нарматыўнага тэрміну. Па словах дырэктара ПМК-8 Аляксандра Яфіменкі, здаць аб’ект плануецца ў кастрычніку.
Будаўніцтва малочнатаварнай фермы на 480 галоў дойнага статку з рабатызаваным даеннем пачыналася “з нуля”, літаральна на чыстым полі. Як зазначыў старэйшы прараб Сяргей Ціхіня, на дадзены момант там працуюць каля 120 чалавек, аднак іх колькасць можа павялічыцца: рабочых рук не хапае. У жніўні плануецца завяршыць будаўніцтва ўсіх дапаможных збудаванняў: воданапорнай вежы, зборнікаў, рэзервуараў, прахадной, дэзбар’ера і г.д. — а напрыканцы верасня — усталяваць робаты.
Сняжана КАЎГАРЭНЯ. Фота аўтара
