У раёне працягваецца работа па навядзенню парадку на зямлі і добраўпарадкаванню. Актыўна яна вядзецца на тэрыторыі Руднянскага сельсавета. У ёй задзейнічаны работнікі сельвыканкама, сельгаспрадпрыемства, школьнікі, мясцовае насельніцтва.
Так, вучні мясцовай школы прыводзяць у парадак тэрыторыю вёскі Рудня (на здымку), работнікі сельвыканкама ўбіраюць пасля прайшоўшых свят могілкі, рамантуюць агароджы на іх.
Працаўнікі ААТ “Крыніца Ігуменшчыны” шчыруюць на фермах і палях: падбуртоўваюць і вывозяць арганіку, беляць і фарбуюць жывёлагадоўчыя памяшканні і агароджы, чысцяць выгулы, вывозяць з палёў рэшткі саломы, наводзяць парадак на мехдварах, абкошваюць тэрыторыю ферм, рыхтуюць да закладкі кармоў сянажныя і сіласныя ямы.
Л.Рабецкая.
Фота аўтара