З далёкай вандроўкі вяртаюцца дахаты пералётныя птушкі, нясуць на сваіх крылах цяпло і вясну. А ў Раваніцкім лясніцтве Чэрвеньскага лясгаса іх сустракаюць новенькім камфортным жытлом. Для крылатых сяброў пастараліся вучні мясцовага дзіцячага сада-сярэдняй школы. Яны вырабілі 40 шпакоўняў!
задавальненнем займаюцца гэтай справай вучні з пятага па дзявяты клас. Галоўны майстар і куратар праекта — дырэктар Раваніцкай школы Рыгор Іванавіч Судак — адзначыў стараннасць і захопленасць Антона Макаранкі, Кірыла Бруцкага і Аляксандра Лепеша (на здымку).
Так прыемна глядзець, як зладжана і майстравіта працуюць хлопцы…
— А інакш і нельга, — усміхаецца дырэктар. — Бо наша справа — добрая, патрэбная, вясновая!
Хрысціна СУДАК,
кіраўнік школьнага лясніцтва
Фота прадастаўлена сябрамі школьнага лясніцтва